Proxecto Experimental de Educación Dixital (E-DIXGAL)

O Ceip de Figueiroa ben de ser seleccionado como un dos centros de E. Primaria de Galicia para pór en marcha non vindeiro curso escolar 2014/15 un proxecto experimental de educación dixital.

O procemento de selección foi convocado pola Consellería de Cultura, Educación e Ordenación Universitaria a través da RESOLUCIÓN de 22 de abril de 2014, da Dirección Xeral de Educación, Formación Profesional e Innovación Educativa, pola que se convoca a selección de centros para participar no proxecto experimental Educación Dixital durante o curso 2014/15.

O proxecto Educación Dixital (E-DIXGAL) ten como obxectivo favorecer a incorporación xeneralizada das tecnoloxías da información e da comunicación (TIC) no desenvolvemento da actividade educativa, facilitando aos centros adscritos á Rede Abalar a disponibilidad de libros e outros materiais dixitais cos que poidan desenvolver o seu proxecto na totalidade do currículo de 5º de educación primaria no curso 2014/15, ampliándose a outros cursos e etapas nos anos seguintes.

Os centros adscritos a este proxecto terán acceso a unha contorna virtual de aprendizaxe cos contidos gratuitos proporcionados pola Consellería de Cultura, Educación e Ordenación Universitaria. Os centros deberán utilizar, no seu caso, exclusivamente materiais dixitais na totalidade das materias, que poden proceder desta contorna e/ou ser proporcionados polo centro.

O proxecto diríxese aos centros que están na Rede Abalar, centros cunha cultura dixital afianzada como parte do seu proxecto de centro, apoiado e coñecido pola comunidade educativa, e en especial polas familias, que se verán beneficiadas ademais con aforros en costos derivados dos materiais educativos. Por outra banda, posibilitarase o maior aprovechamiento do equipamiento das aulas dixitais do proxecto.

En resume, o proxecto consiste en utilizar materiais dixitais en todas as materias, renunciando as familias ás axudas para a adquisición de libros de textos. Polo tanto, supón un cambio importante no método de traballo a desenvolver polos profesores  do centro.

Ser centro E-DIXGAL representa un premio para o claustro de profesores e Consello Escolar na aposta que vén facendo pola innovación en materia educativa iniciada hai uns anos. Cabe recordar que o Ceip de Figueiroa xa foi centro piloto do Programa Abalar, do Plan E-LBE (lectores electrónicos) e agora E-DIXGAL (libros dixitais).

Libro Dixital

O Claustro de Profesores e o Consello Escolar do CEIP de  Figueiroa, reunidos o día 13 de maio acordaron, por unanimidade dos asistentes, solicitar a participación como centro piloto no Proxecto E-DIXGAL ao abeiro da Resolución do 22 de abril de 2014, da Dirección Xeral de Educación, Formación Profesional e Innovación Educativa, pola que se convoca a selección de centros para participar no proxecto experimental Educación Dixital durante o curso 2014/15.

O proxecto Educación Dixital E-DIXGAL ten o obxectivo de fomentar a utilización do equipamento das aulas Abalar poñendo á disposición dos centros unha contorna virtual de aprendizaxe con libros e outros materiais dixitais cos que poderá desenvolver a totalidade do currículo.

O prazo de presentación de solicitudes é de un mes a partir do día seguinte á publicación da convocatoria no Diario Oficial de Galicia.

Poden participar nesta convocatoria os centros adscritos á rede Abalar que impartan ensinanzas de 5º de Educación Primaria durante o curso 2014-2015. En anos sucesivos ampliarase os cursos e etapas de implantación deste proxecto.

Características:

    * Deberán empregarse materiais dixitais en todas as áreas.
    * Os centros manterán o programa un mínimo de 3 anos (dúas promocións).
    * Os materiais poderán utilizarse online e offline.
    * Debido á gratuidade do proxecto, o alumnado participante quedará excluído como beneficiario das axudas ou subvencións para adquisición de libros de texto convocadas pola Consellería de Cultura, Educación e Ordenación Universitaria.
    * Os centros participantes contarán co asesoramento, asistencia técnica e seguimento da rede de formación Permanente do profesorado, a Axencia para a Modernización Tecnolóxica de Galicia (Amtega) e os servizos de inspección educativa.

Documentación necesaria:

    * Solicitude segundo o anexo da convocatoria.
    * Proxecto concretando a implantación no centro segundo o guión do punto cuarto da convocatoria.
    * Proposta dunha persoa responsable da coordinación do proxecto.

Lectores electrónicos

O Ceip de Figueiroa foi seleccionado pola Consellería de Cultura, Educación e Ordenación Universitaria como un dos 25 centros piloto en Galicia para pór en marcha o Proxecto “E-LBE” que ten como obxectivo a incorporación de lectores electrónicos ou e-lectores ás Bibliotecas Escolares.

Esta iniciativa está incluída do Plan LIA de bibliotecas escolares e dirixida a centros que están integrados no PLAMBE (Plan de Mellora de Bibliotecas Escolares).

O centro será convocado en datas breves a unha reunión informativa onde se fará entrega dos 3 dispositivos de lectura asignados.

Este novo logro supón un recoñecemento ao esforzo que nos últimos anos se ven facendo dende o centro (claustro e Anpa) para estar na vangarda das novas tecnoloxías aplicadas ao ensino.

Seccións bilingües

O noso centro a través da Resolución provisional do 17 de xullo de 2012, pola que se autorizan novas seccións bilingües para o curso 2012/2013, foi autorizado a pór en marcha no vindeiro curso escolar catro seccións bilingües, 2 no primeiro nivel de Primeiro Ciclo (1º A/B) e 2 no primeiro nivel de Segundo Ciclo (3º A/B). A materia non lingüística que se impartirá nestes cursos será a de Plástica.

Con esta nova iniciativa pretendemos utilizar o inglés como vehículo de aprendizaxe e de coñecemento noutras áreas curriculares co obxectivo de desenvolver nos alumno/as o coñecemento e uso adecuado, tanto da lingua galega como do castelá e da lingua inglesa, nas súas manifestacións oral e escrita, que permitan aos alumnos/as adquirir a competencia comunicativa necesaria para desenvolverse en situacións cotiás, dando prioridade ás destrezas de escoitar (Listening) e falar (Speaking) para posteriormente ler (Reading) e escribir (Writing).

Acción de Verán

A Consellería de Traballo e Benestar, a través da Dirección Xeral de Xuventude e Voluntariado, convoca, unha vez máis, a Campaña de Verán 2012, para favorecer que a xuventude empregue parte do seu tempo vacacional en actividades de carácter lúdico, cultural, deportivo e formativo, que sirvan non só para divertirse senón tamén para o enriquecemento persoal e vital, ademais de ofrecer a posibilidade de coñecer outros territorios da xeografía nacional.

'Acción de Verán' é un programa de actividades que ten lugar durante os meses de xullo e agosto, tanto en Galicia como noutras comunidades autónomas. Está composto por diferentes áreas, que comprenden actividades de lecer para toda a xuventude e actividades de voluntariado en campos de traballo nacionais e estranxeiros.

As actividades da campaña de verán están dirixidas a todos aqueles mozos e mozas que desexen pasar un verán diferente, cooperando en iniciativas sociais ou compartindo experiencias con outros rapaces en campamentos de todo o estado. Son unha forma económica e divertida de axudar e gozar.