Acción de Verán

A Consellería de Traballo e Benestar, a través da Dirección Xeral de Xuventude e Voluntariado, convoca, unha vez máis, a Campaña de Verán 2012, para favorecer que a xuventude empregue parte do seu tempo vacacional en actividades de carácter lúdico, cultural, deportivo e formativo, que sirvan non só para divertirse senón tamén para o enriquecemento persoal e vital, ademais de ofrecer a posibilidade de coñecer outros territorios da xeografía nacional.

'Acción de Verán' é un programa de actividades que ten lugar durante os meses de xullo e agosto, tanto en Galicia como noutras comunidades autónomas. Está composto por diferentes áreas, que comprenden actividades de lecer para toda a xuventude e actividades de voluntariado en campos de traballo nacionais e estranxeiros.

As actividades da campaña de verán están dirixidas a todos aqueles mozos e mozas que desexen pasar un verán diferente, cooperando en iniciativas sociais ou compartindo experiencias con outros rapaces en campamentos de todo o estado. Son unha forma económica e divertida de axudar e gozar.

Axudasle

A Consellería de Cultura, Educación e Ordenación Universitaria convoca 2.495 prazas para realizar actividades de formación en linguas estranxeiras no ano 2012.
Poderá solicitar estas axudas o alumnado de centros sostidos con fondos públicos da Comunidade Autónoma Galega dos cursos que aparecen na seguinte táboa.

Prazo aberto dende o 6 de marzo ata o 7 de abril (incluído)

Desfile do Entroido

O vindeiro venres, día 17 de febreiro, o Ceip. de Figueiroa celebrará o seu tradicional festival do entroido tal como vén celebrando nos últimos anos; é dicir, aberto a todos os membros da comunidade Educativa do noso centro. Saímos así ao paso dos rumores  que circulaban pola rúa que informaban de que non se permitiría o acceso a pais e nais como medida de presión do Claustro de profesores diante dos recortes da Consellería de Educación e Ordenación Universitaria.

Queremos informar a toda a comunidade educativa que o Claustro acordou, para este curso escolar, celebrar todas as actividades sempre e cando se realicen dentro do horario lectivo; é dicir que non impliquen xornada de tarde, agás o Proxecto Arce (saída a Rasquera-Reus) por ser un proxecto bianual e comprometido no curso 2010-11.

O desfile do entroido terá lugar no pavillón de deportes do centro e dará comezo ás 10:30 h. Participarán a totalidade dos alumnos/as.

Saída a Catalunya

      O vindeiro domingo día 26 de febreiro, 30 alumnos/as do noso centro, xunto con tres profesores/as, realizarán unha saída educativa a Rasquera (Reus - Tarragona). Esta saída enmárcase dentro do Proxecto Arce (convocado polo Ministerio de Educación) no que este centro está a participar xunto con outros tres de distintas comunidades autónomas (Catalunya, Balears e Canarias).

      A saída terá lugar ás 13:40 h. do aeroporto de Lavacolla con destino ao aeroporto do Prat (Barcelona). Desde alí ata Rasquera deprazaranse en autobús. Estarán aloxados na casa de colonias "CA MANXOL".

      Para moitos nenos/as será unha experiencia única, xa que voarán por primeira vez.

      Durante a súa estancia nesta vila visitarán os colexios de Ginestar e Rasquera e participarán nunha xornada de convivencia con alumnos/as dos dous centros. A temática desta xornada xira ao redor dos xogos tradicionais propios da comarca visitada. O martes pola mañá estarán en Miravet e realizarán un paseo en barca polo río Ebro e percorrerán a parte antiga do pobo, o castelo e un oleiro; pola tarde, irán a Benissanet para visitar unha cooperativa (Grup Fruit), o Museo da Música e un refuxo antiaéreo.

      O último día, mércores 29, pola mañá estarán en Rasquera visitando un forno de pastissets, unha llatadora e a Ermida de Santo Domingo. Ás 16:00 h. partirán en autobús cara o aeroporto do Prat donde embarcarán no avión rumbo a Santiago de Compostela ás 20:05 h.

      Nesta páxina web, ao seu regreso, exporemos todo o material audiovisual e fotográfico que os alumnos/as recollan na viaxe.

      A Comunidade Educativa do Ceip. de Figueiroa deséxalles unha boa viaxe.